Back فيديريكو سيسي Arabic فيديريكو سيسى ARZ Federico Cesi Czech Federico Cesi (Naturforscher) German Φεντερίκο Τσέζι Greek Federico Cesi English Federico Cesi Estonian Federico Cesi French Federico Cesi (scienziato) Italian フェデリコ・チェージ Japanese
Fridericus Caesius
Obitus: 1 Augusti 1630; Aquasparta
Patria: Italia
Familia
Familia: Cesi
Insignia heraldica
Fridericus Caesius[1] marchio II. Monticellorum,[2] vulgo Federico Angelo Cesi (natus die 26 Februarii 1585; Aquis Spartis die 1 Augusti 1630 mortuus), eruditus Italiae, conditor fuit anno 1603 Academiae Lynceorum.
E familia nobili sub dicione pontificia florente ortus est, patre Friderico Caesio primo Monticellorum marchione, matre Olympia de Ursinis, patruo Bartholomaeo(it) cardinale futuro. Romae natus et educatus, anno 1614 Artemisiam Columnam in matrimonium duxit quae mox puerperio mortua erit. Anno 1617 nuptiis secundis Isabellam de Salviatis duxit, e qua filiam Olympiam genuit. Ab anno insequenti, Roma relicta, Aquis Spartis habitabat. Patre die 24 Iunii 1630 mortuo, titulos domini Aquae Spartae marchionisque Monticellorum brevissime gessit. Ipse eodem anno mortem obiit.
- ↑ Cf. titulum libri Michaelis Angeli Poggioli De amplitudine doctrinae botanicae qua praestitit Fridericus Caesius (1865, vide bibliographiam)
- ↑ "ad illustriss. principem ac d., d. Federicum Caesium, Montis Caelii marchion. II &c., baronem Romanum": sic dedicatio operis Ioannis Baptistae Portae, De aëris transmutationibus (1610). Alibi saepius "Fridericus", "marchio Monticellorum"