Back ويلهلم ماير (أستاذ جامعي) Arabic ويلهلم ماير (عالم لغوى كلاسيكى من المانيا) ARZ Wilhelm Meyer (Philologe) German Wilhelm Meyer (philologist) English Wilhelm Meyer French Wilhelm Meyer Italian
Gulielmus Meyer (Noviomagi Nemetum natus die 1 Aprilis 1845; Gottingae die 9 Martii 1917 mortuus), Caroli Halm discipulus, fuit bibliothecarius, sermonum antiquorum philologus et linguista Germanicus. Cum nomen Meyer in lingua theodisca usitatissimum est, a philologis apposito loco natali "Wilhelm Meyer-aus-Speyer" (i. e. Gulielmus Meyer Noviomagensis) nominari solet.
Comparans Homeri opera cum operibus poetarum doctorum (sive doctorum versificantium) Graecorum aetatis tardioris, quam hellenismum vocamus, Meyer certum numerum differentiarum ad rhythmum pertinentium animadvertit, quibus hi versus elegantiores illis veteribus et quasi rudibus antistant. Tam sunt significantes, ut leges Gulielmi Meyeri hexametricae ("Wilhelm-Meyersche Hexametergesetze") dictae sint.[1] Quarum una est e. g. mos poetarum posteriorum - velut Callimachi et Apollonii Rhodii - in ultimo metro hexametri vocem monosyllabam vitare (nisi si effectus comicus intenditur velut apud Horatium ille montibus parturientibus natus "ridiculus mus"[2]).
- ↑ Meyer, Wilhelm, Zur Geschichte des griechischen und des lateinischen Hexameters. München: F. Straub, 1885, p. 980. Et in Google Books et in bibliotheca der Katholischen Universität Eichstätt-Ingolstadt
- ↑ Horatius, Ars poetica 139.