Iacobus Guido Lafontant

Iacobus Guido seu vulgo Jack Guy Lafontant (natus die 4 Aprilis 1961) est medicus Haitiae. Alumnus est universitatis civicae Haitianae. Ibi recentius et apud universitatem Nostrae Dominae Haitianam professor gastroënterologiae meruit. Die 22 Februarii 2017 ad officium primi ministri patriae a praeside Jovenel Moïse convocatus est. In quod officium die 21 Martii 2017 rite receptus est.