Iulia Livilla

Iulia Livilla (nata anno 18 in insula Lesbo; interfecta anno 41 vel 42) fuit filia Germanici et Agrippinae maioris et soror Gaii imperatoris. Uxor Marci Vinicii fuit. Cum fratre Caligula concubuisse dicebatur qui imperator factus sororibus suis eosdem honores atque Vestalibus decerni iussit. Mox tamen cum sorore Agrippina in Pontias insulas ab eodem relegata est, tum cum maritus Agrippinae Lepidus morte damnatus est. Mox tamen mortuo fratre per imperatorem Claudium, qui eius patruus erat, Roma redire una cum sorore Agrippina ei licuit^[1]. Non bene vertit reditus ille : ab uxore enim Claudii Valeria Messalina adulterii cum phlosopho Lucio Annaeo Seneca ob muliebrem zelotypiam accusata et relegata et paulo post necata est^[2].