L. B. Namier

L. B. Namier, nomine nativo Ludwik Bernstein Niemirowski, postea Lewis Bernstein Namier (in oppido Wola Okrzejska die 27 Iunii 1888 natus; Londinii die 19 Augusti 1960 mortuus) fuit rerum gestarum scriptor. In Polonia sub imperio Russico educatus, alumnus fuit universitatum Leopolitanae et Lausannensis necnon scholae scientiarum oeconomicarum Londiniensis. In Britanniam anno 1908 migravit. Legatus iuxta Deliberationem de pace componenda Lutetiae factam anno 1919, contra revendicationes Polonorum eo tempore egisse censetur. Annis insequentibus pro Iudaeis tam Israelem habitantibus quam ex Europa refugis laboravit. Ab anno 1931 usque in 1953 professor rerum historicarum meruit universitatis Mancuniensis ubi opera de parlamento Britannico et de rebus politicis saeculorum XIX et XX praecipue confecit.