Linguae Senufo (sive, scriptura Francogallica, Senoufo) sunt familia fere 15 linguarum gentibus Senufo propriarum, incolis Litoris Eburnei septentrionalis, Malii meridiani, Burkinae Fasanae meridio-occidentalis. Lingua solitaria Nafaanra in Gana occidentali reperitur. Linguae Senufo ramus habentur subfamiliae Gur familiae Nigro-Congensis. Garber (1987) aestimat numerum locutorum Senufo 1.5 milliones esse.[1] Linguae Senufo fines communes habent cum linguis Mande ad occidentem, linguis Kwa ad meridiem, linguis Gur mediis ad septentrionem et orientem.