Back لويس السابع (ملك فرنسا) Arabic لويس السابع ملك فرنسا ARZ Louis VII (gazik ke Franca) AVK یئدینجی لوئی AZB Людовік VII Малады Byelorussian Луи VII Bulgarian Loeiz VII (Bro-C'hall) Breton Luj VII, kralj Francuske BS Lluís VII de França Catalan Ludvík VII. Francouzský Czech
Ludovicus VII, qui dicitur Ludovicus Iuvenis (natus anno 1120; mortuus Meloduni die 18 Septembris 1180) fuit rex Franciae ab anno 1137 usque ad mortem. Fuit Ludovici VI uxorisque eius Adelaidis Sabaudiae filius.
In matrimonium duxit
- Alienoram Aquitaniae, e qua duas filias genuit (Mariam et Alaidem) et cui anno 1152 repudium remisit,
- Constantiam Castellae, e qua duas filias genuit (Margaritam et Aelidem),
- Adelam Campaniensem, e qua filium et filiam genuit, scilicet Philippum patris successorem et Agnetem futuram imperatricem Byzantinam.
Aureliani coronatus est. 31 Martii 1146 oratione Bernardi Claraevallensis habita, Ludovicus VII se Secundam expeditionem sacram initurum promisit. Anno 1147 cum Conrado III imperatore expeditionem sacram duxit.
Filio Philippo anno 1179 aegrotante Ludovicus Cantuariam mense Augusto properavit, sepulchri Thomae a Becket peregrinator.[1] Lutetiam revenit sed ab apoplexi gravi ictus est. Post aliquot menses mortuus in Abbatia Sacri Porti Barbelli quam Meloduni condiderat sepultus est. Haec verba sepulchro inscripta sunt:
- Hunc superes tu qui superes successor honoris;
- Degener es, si degeneres a laude prioris.[2]