Back مارسيلينوس كوميس Arabic مارسيلينوس كوميس ARZ Марцэлін Коміт Byelorussian Марцелин Комес Bulgarian Comte Marcel·lí Catalan Marcellinus Comes German Κόμης Μαρκελλίνος Greek Marcellinus Comes English Conde Marcelino Spanish مارسلینوس کومس Persian
Marcellinus Comes Illyricus (mortuus post annum 534) fuit historicus imperii Romani orientalis. Lingua Latina scripsit. Fuit comes Augustorum Iustini I et Iustiniani I. Circa annum 520 Constantinopoli chronicon scripsit, quo res gestas exinde ab anno 379 usque ad annum 518 descripsit.
Hoc in chronico finem "Hesperii Romanae gentis imperii" anno 476 definivit:
- Orestem Odoacer illico trucidavit; Augustulum filium Orestis Odoacer in Lucullano Campaniae castello exsilii poena damnavit. Hesperium Romanae gentis imperium, quod septingentesimo nono Urbis conditae anno primus Augustorum Octavianus Augustus tenere coepit, cum hoc Augustulo periit, anno decessorum regni imperatorum DXXII, Gothorum dehinc regibus Romam tenentibus.