Marcus Sedwill, vulgo plenius Sir Mark Philip Sedwill (Ealing inter suburbia Londiniensia natus die 21 Octobris 1964) est legatus et magistratus regni Britanniarum.
Alumnus est universitatis Sancti Andreae apud Scotos universitatisque Oxoniensis. Ab anno 1991 in Aegypto, Iraca, Cypro, Pakistania excubuit. Legatus est Afganiae propter regnum Britanniarum ab 2009, deinde propter Consociationem ex pacto Atlantico Septentrionali ab anno 2010. In Angliam reditus consiliarius a securitate nationali anno 2017, deinde secretarius a consilio anno 2018 factus est, primis ministris Theresa May et Borisio Johnson.