Back Марк Юний Силан Торкват (консул 19 г.) Bulgarian Marc Juni Silà (cònsol any 19) Catalan Marcus Iunius Silanus Torquatus German Μάρκος Ιούνιος Σιλανός Τορκουάτος (ύπατος το 19) Greek Marcus Junius Silanus Torquatus English Marco Junio Silano Torcuato Spanish Marcus Iunius Silanus (consul en 19) French Marco Giunio Silano Torquato (console 19) Italian Marco Júnio Silano Torquato (cônsul em 19) Portuguese Марк Юний Силан (консул 19 года) Russian
Marcus Iunius Silanus Torquatus (natus circa annum 24 a.C.n., mortuus post annum 39) senator Romanus erat. Avus eius Marcus Iunius Silanus, consul anni 25 a.C.n. erat, pater autem, quem nomine tantum novimus, Marcus Iunius Silanus.
Ipse anno 19 consul ordinarius electus summum magistratum toto anno administravit, primo cum Lucio Norbano Balbo, deinde cum Publio Petronio. Leges his consulibus latae (lex Iunia Norbana et lex Iunia Petronia) iura libertorum auxerunt. Inter annos 36 et 39 Iunius proconsul Africae fuit. Caligula imperator eam legionem, quam proconsules eius provinciae ducere solebant, Iunio dempsit et legato tradidit. Anno 39 Lucius Iulius Graecinus senator, pater Agricolae Iunium accusare negavit et idcirco Caligulae iussu supplicio affectus est[1]. Iunium ante mortem Caligulae mortuum esse verisimile est.
Iunius Silanus quinque liberos habuit:
- Decimus Iunius Silanus Torquatus, consul anni 53
- Lucius Iunius Silanus, praetor anno 48
- Marcus Iunius Silanus, consul ordinarius anno 46
- Iunia Silana
- Iunia Calvina
- ↑ Der Neue Pauly, Stuttgardiae 1999, T. 6, c. 70