Back نوربرت من زانتين ARZ Ksantenli Norbert Azerbaijani Норберт Ксантенски Bulgarian Norbert de Xanten Catalan Norbert z Xantenu Czech Nórbert z Xanten CSB Sankt Norbert Danish Norbert von Xanten German Norbert of Xanten English Norberto el Xanten Esperanto
Haec pagina de Sancto Norberto archiepiscopo Magdeburgensi narrat. Si alium hominem, cui est nomen Norberti, quaeris, vide Norbertus (discretiva).
Norbertus (natus circa annum 1080 Gennapii aut Xanti; mortuus die 6 Iunii 1134 Magdeburgi) fuit fundator ordinis Praemonstratensis et episcopus Dioecesis Magdeburgensis.
Ab Ecclesia Catholica Romana ab anno 1582 sanctus colitur. Patronus est Dioecesis Magdeburgensis et terrae Magdeburgensis necnon unus e patronis Bohemiae, ubi in Monasterio Strahoviensi sepulcrum habet.
Duae conversiones vitam eius significant: Dives canonicus asceta factus est, qui huc illuc vagans poenitentiam praedicabat et ordinem condidit; postremo autem archiepiscopus Magdeburgensis in mundum revertit.