Nuptiae

Nuptiae sunt caerimonia ubi bini homines matrimonio rite coniunguntur. Mores et traditiones nuptiales inter culturas, ethnos, religiones, civitates, classesque sociales magnopere variant. Plurimae caerimoniae nuptiales permutationem votorum nuptialium a maritis implicant, praestationem doni vel donorum (quae anuli, res symbolica, flores, pecunia sint), et apertam matrimonii proclamationem, a persona auctoritatis factam. Certae vestes nuptiales saepe geruntur, et hospitium nuptiale caerimoniam aliquando subsequitur. Musica, poesis, preces, vel lectiones ex textibus religiosis in caerimoniam saepe adiciuntur.