Back أوديب في كولونوس Arabic Èdip a Colonos Catalan Oidipus na Kolónu Czech Ödipus auf Kolonos German Οιδίπους επί Κολωνώ Greek Oedipus at Colonus English Edipo en Kolono Esperanto Edipo en Colono Spanish ادیپ در کولونوس Persian Oidipus Kolonoksessa Finnish
Oedipus Coloneus (-i, -i, m.; Graece Οἰδίπους ἐπὶ Κολωνῷ) est ultima tragoedia Sophoclis poetae, quam circa annum 406 a.C.n. iam nonaginta annos natus composuit, et nepos Sophocles Iunior anno 401 post mortem poetae eam docuit. Finem vitae Oedipodis herois narrat quem Sophocles in Oedipode rege Thebanorum throno deiectum ostenderat ac simul vicum natalem Colonum in Attica atque fabulas ibi florentes celebrat.
Longissima est eademque ultima Graecarum tragoediarum antiquarum et hodie servatarum. Fabula antiquitus late vulgabatur Sophoclem, cum unus e filiis eum tamquam ob longaevam aetatem mentis non iam compotem iuribus privare vellet, nihil aliud quam apud iudices primum stasimon Oedipodis Colonei cecinisse atque statim absolutum magna pompa adclamantium et admirantium domum redisse[1].
- ↑ Plutarchus, An seni sit gerenda respublica 785a.