Optica

Optica est scientia lucis, pars physicae quae lucis actiones proprietatesque, atque interactionem inter lucem et materiam describit.

Ut consuetum est, optica visibilium radiorum actiones inquirit. Saeculo autem undevicensimo, alii radii inventi sunt, scilicet, infrarubri, ultraviolacei, X, radioelectrici. Saeculo vicensimo, radii gamma inventi sunt, et physici ad electromagnetismum theoriam generalem pervenerunt, quae radios electromagnetici spectri omnes una ratione describit: undae electromagneticae.