Back Pandemie Afrikaans Pandemie ALS Pandemia AN Myċelcoþu ANG جائحة Arabic وباء عالمى ARZ বৈশ্বিক মহামাৰী Assamese Pandemia AST Pandemiya Azerbaijani پاندمی AZB
Pandemia[1][2] sive pandemius morbus[3] (a verbis Graecis πᾶν 'omne' + δῆμος 'populus') est epidemia cuiuslibet morbi contagiosi in hominibus, quae per magnam regionem percrebrescit, aliquando in nonnullis continentibus aliquando etiam omnem per orbem terrarum; morbus autem endemicus, qui multos homines constanter adficit, non vocatur pandemia. Praeterea, pandemiae influentiae plerumque ab eruptionibus influentiae temporalis differunt. Per historiam humanam sunt nonnullae pandemiae notae, sicut variola et tuberculosis; inter pandemias recentiores sunt SCDI, aut Virus Immunitarii Defectus Humanae (VIDH, Anglice HIV), et pandemia H1N1.
Pandemiae exstiterunt omnibus temporibus et in omnibus gentibus. Exempla notissima historica haec sunt:
- Pandemia Antoninia, annis 165-180, in toto Imperio Romano; morbus fuit fortasse variola aut morbillus
- Pestis nigra vel "mors atra" quae per Europam et Asiam saeculo quarto decimo fere 30 000 000 homines interfecit.
- Pandemia pestis saeculo 19 in Sinis orta
- Pandemia cholerae secunda (1826-1837)
- Morbus Hispanicus anno 1918
- Eruptio ebolae in Africa occidentali anno 2014
- Morbus coronaviro anno 2019 et anno 2020 (COVID-19)
- ↑ Kraus, L.A. (1844). Kritisch-etymologisches medicinisches Lexikon (editio tertia). Gottingae: Verlag der Deuerlich- und Dieterichschen Buchhandlung.
- ↑ Gabler, E. & Winkler, T.C. (1881). Latijnsch-Hollandsch woordenboek over de geneeskunde en de natuurkundige wetenschappen. (editio secunda). Lugduni: A.W. Sijthoff.
- ↑ Woyt, J.J. (1761). Gazophylacium medico-physicum oder Schatz-Kammer medicinisch- und natürlicher Dinge. (editio 15). Lipsiae: Lankischens Buchhandlung.