Back Амшаԥ Abkhazian ӀутӀыж ADY Paasfees Afrikaans Ostern ALS ፋሲካ Amharic Ēaster ANG عيد القيامة Arabic ܥܐܕܐ ܕܩܝܡܬܐ ARC عيد القيامه ARZ Pascua AST
Vide etiam paginam fere homonymam: Pascha (festum Iudaicum).
Pascha (-ātis, n.; Hebraice פֶּסַח; Aramaice פַּסְחָא; Graece in Septuaginta et in Novo Testamento πάσχα 'transitus') est festum quo Christiani resurrectionem Iesu Christi commemorant. Quem libri Novi Testamenti tertio die post crucifixionem a mortuis resurrexisse testificantur nec tamen resurrectionem describunt vel explicant (Mc 16,6). Antiquus testium index (1 Cor 15,5–8) atque variae Evangeliorum narrationes discipulos Christum resurrectum vidisse tradunt. In hoc testamento, fides primae communitatis Hierosolymitanae positum est Iesum Christum, id est Messiam a prophetis annuntiatum, verbis suis credentibus salvationem et vitam aeternam daturum esse.