Phocoenidae

Phocoena phocoena

---

Animalia — Chordata

Classis : Mammalia 
Ordo : Artiodactyla 
Infraordo : Cetacea 
Parvordo : Odontoceti 
Familia : Phocoenidae 
Gray, 1825

   

Palaeontologia

15.97–0 m.a.: Miocaenum > Recens

pЄ

Є

O

S

D

C

P

T

I

K

pg

n

Subdivisiones: Genera

* Neophocaena

• Phocoena
• Phocoenoides

Phocoenidae sunt familia mammalium marinorum omnino aquaticorum, parvordinis Odontocetorum. Sunt septem Phocoenidarum species exstantes. Haec cetacea cum delphinidis oceanicis artissime conectuntur. Apertissima differentia inter quos greges binos est phocoenidis esse rostra breviora et dentes plani paliformesque, a conicis aliorum odontocetorum dentibus distincti. Phoconidae et alia cetacea ad cladum cetartiodactylorum cum artiodactylis pertinent, et eorum artissimi cognati exstantes sunt hippopotami, qui abhinc annorum fere quadraginta milliones ab eis deflexerunt.

Phocoenidae magnitudine variant ab 1.4 metris et 54 kg (Phocoena sinus, mininum cetaceum iam inventum) ad 2.3 metra et 220 kg (Phocoenoides dalli). Nonnullae species dimorphismum sexualem exhibent, ut feminae maribus maiores sint. Corpus est mollis, duobus membris remiformibus. Phocoenoides dalli, unum e celerrimis cetaceis notis, 41 knots^? per horam movere potest. Eorum primarium systema sensorium est echolocatio. Nonnullae species ad profunda oceanica descendunt. Eis sub cuti est stratum adipis, plerumque blubber^? appellati, ut in aqua frigida calidi maneant.

Phocoenidae non latae distribuuntur, multaeque aquis prope regiones polares, plerumque prope litora, utuntur. Phocoenidae plerumque piscibus et decapodiformibus vescuntur, reliquis odontocetibus multo similes. Mares plerumque cum multis feminis quotannis, sed feminae anno tertio quoque coeunt. Proles vere et aestate nasci solent, quos feminae solae educant. Matres nonnullarum specierum ieiunium diu servant dum partus nutriunt. Nonnullae phocoenidae vocalizationes efficiunt, plerumque crepitus et sibilos, praecipue ad proposita socialia habitos. Nonnullae species, sicut Harborophocoenae, sunt valde sociabiles, sed greges in plurimis speciebus plerumque plus quam decem singulos non habent.