Back سلطة الزهور Arabic Flower power Catalan Flowerpower Danish Flower-Power German Flower power English Flowerpower Esperanto Flower power Spanish Flower power Estonian قدرت گل Persian Flower Power French

Potestas florum

Obtestator florem vigilibus militaribus in manifestatione contra bellum in Vietnamia ad Pentagon Arlingtoniae in Virginia die 21 Octobris 1967 offert.
Laophorium Volkswagenianum Barkas "B 1000" symbolis potestatis florum ornatum.

Potestas florum (vel vis florea) fuit sententiola praeconialis quae annis 1960 exeuntibus et 1970 ineuntibus symbolum repugnantiae passivae ideologiaeque inviolentiae erat.[1] Orta est in motu qui bello in Vietnamia adversabatur.[2] Haec locutio ab Allen Ginsberg, poeta prostrato Americano anno 1965 excogitata est ut manifestationes contra bellum in spectacula tranquilla affirmantia commutatae essent.[3][4][5] Hippies hoc symbolismum amplectebantur vestimentis floribus pictis clarisque coloribus tinctis, flores in coma gerentes, floresque vulgo distribuentes, mox filii florales appellati.[6] Hoc nomen deinde factum est hodierna motus hippiensis contraculturaeque descriptio, quae ad medicamenta, musicam psychedelicam, artem psychedelicam, laxitatem moralem pertinebat.[7]

Potestas florum Berkeliae Californiae genita est, actio symbolica ad bellum in Vietnamia contradicendum. Ginsberg, in commentario How to Make a March/Spectacle, suasit ut obtestatores "copias florum"[8] gererent, quas vigilibus, diurnariis, viris politicis, spectatoribusque distribuerent.[9] Usum praecipuarum proprietatum, inter quas flores, ludibria, vexilla, bellaria, et musica, in animo habebat ut contiones contra bellum in genus theatri viarii converterentur, ea re timorem, iram, et minationem quae in manifestationibus inhaerent minuens.[10] Per rationes Ginsbergianas, iuvenibus hoc genus obtestationis affirmantibus, usus locutionis potestatis florum symbolum magni momenti in motu contraculturae factus est.[11]

Nexus interni

  1. ↑ Hall 2007: 155.
  2. ↑ Chatarji 2001: 42.
  3. ↑ "Allen Ginsburg", American Masters, Public Broadcasting System, pbs.org.
  4. ↑ "Guide to the Allen Ginsberg Papers: Biography/Administrative History". The Online Archive of California. Stanford University. 1997. p. 3 .
  5. ↑ Perry 1997.
  6. ↑ Craats 2001: 36.
  7. ↑ Heilig 2007: 307-308.
  8. ↑ Anglice: "masses of flowers."
  9. ↑ Ginsberg 1965.
  10. ↑ Shepard 2003.
  11. ↑ Lawlor 2005: 126.
From Wikipedia, the free encyclopedia · View on Wikipedia

Developed by Nelliwinne