Back Praefectus Aegypti German Prefecto de Egipto Spanish Préfet d'Égypte French Praefectus Aegypti Hungarian Prefetto d'Egitto Italian Praefectus Alexandreae et Aegypti Dutch Prefeito do Egito Portuguese Префект Египта Russian Префект Єгипту Ukrainian
Praefectus Aegypti antiquitate pro imperatore Romano Aegyptum administrabat. Quod hac e provincia maxima copia frumenti Romam transportabatur, quod ad mitigandam plebem Romanam magni momenti erat, hic magistratus magnam potentiam habebat. Ergo iam Octavianus Augustus post Cleopatram ultimam reginam Aegypti victam anno 30 a.C.n. cavit ne ulli senatori Romano hic honor daretur. Immo vero senatoribus nisi adnuente Augusto Aegyptum ne adire quidem licebat. Praefectus Aegypti idcirco semper ex ordine equestri eligebatur, inter familiares ministros Augustorum quorum fides probata erat.