Back Koninkryk Israel Afrikaans مملكة إسرائيل (الشمالية) Arabic مملكة اسرائيل الشماليه ARZ شومالی ایسرائیل شاهلیغی AZB Ізраільскае царства Byelorussian Израилско царство Bulgarian ইসরায়েল রাজ্য Bengali/Bangla Rouantelezh Israel Breton Kraljevstvo Izrael BS Regne d'Israel Catalan
Regnum Israel septentrionale sive Regnum Samariae fuit regnum historice attestatum in septentrione Israelis hodiernae situm, quod in fontibus Assyricis "Domus Omri" (Bīt Ḫumrī) vel „Terra Omri“ (KUR(māt) Ḫu-um-ri-i) vocatur. Sedes regia fuit Samaria, urbs in regione Samaria. Regno Israel diviso, ut in Vetere Testamento narratur, ab anno 926 a.C.n. usque ad annum 722 a.C.n. exstabat, quo anno Assyrii urbem Samariam ceperunt et maximam incolarum partem deportaverunt. Fontes maximi momenti sunt Libri Regum, qui autem multo post conscripti sunt.
Sub regibus domus Omri Regnum Israel septentrionale fuit civitas sui iuris, quae saeculo nono a.C.n. una cum Aram-Damasco et aliis civitatibus minoribus impetui Assyriorum moram afferre potuit. Saeculo octavo autem Israel in clientela Assyriorum fuit. Quod non solum onera secum tulit, sed etiam oeconomiam mercaturamque adiuvit: Oleum ac textilia pro mercatu maiore produci potuerunt. Tempus, quo Ierobeam II regnavit, civitas rebus prosperis incrementoque hominum floruit, quamvis discidio inter cives crescente.