.jpg)
Ronaldus (vulgo "Ron") Silliman (natus Pasco in oppido Vasingtoniae 5 Augusti 1946) est poeta Americanus, qui plus quam triginta libros poesis et iudicii litterarii scripsit, quorum nonnulli in duodecim linguas conversi sunt. Saepe cum poetis lingua consociatur. Inter 1979 et 2004 The Alphabet (Abecedarium) unum conscribebat poema. Nunc Universe (Universum), poema novum, componere coepit, cuius prima pars "Revelator" appellari videtur. Silliman agitator politicus, vestibularius, ethnographus, editor diarii, director progressus, editorque exsecutivus periodici Socialist Review fuit.