Back Sajid Javid Afrikaans ساجد جاويد Arabic ساجد جاويد ARZ Саджыд Джавід Byelorussian Sajid Javid Czech Sajid Javid Danish Sajid Javid German Σάτζιντ Τζάβιντ Greek Sajid Javid English Sajid Javid Spanish
Sajid Javid, natus die 5 Decembris 1969 Rochdale in oppido comitatus Lancastriensis, Bristolii ab anno aetatis quarto educatus, est politicus Britannicus. Pater e Pakistania anno 1961 migratus in Rochdale munere conductoris laophoriorum functus est, sed mox Bristolii tabernam vestimentariam gessit. Ille anno 2013 mortuus erit.
Sajid Javid, alumnus scholae Downend Bristolii et collegii technici Filtonensis, anno 1988 ad universitatem Exoniensem progressus est, ubi post tres annos baccalaureatus est. Inde apud Chase Manhattan Bank et ab anno 2000 apud Deutsche Bank officia satis alta tenuit. Eis annis in America Australi et (pro Deutsche Bank) in Singapura degit, sed anno 2009 in Angliam reditus est.
A die 6 Maii 2010 legatus est ad Parlamentum Britannicum pro circulo Bremesgrave. Cancellario Georgio Osborne Sajid Javid secretarius privatus parlamentarius meruit a die 14 Octobris 2011, mox secretarius oeconomicus iuxta Thesaurum a die 4 Septembris 2012 et secretarius financialis a die 7 Octobris 2013. Die 9 Martii 2014, Maria Miller se ab officio secretarii civici pro Cultura recusante, Sajid Javid ad idem officium promotus est et ad consilium ministrorum Davidis Cameron. Secretarius civicus a negotio meruit, successor Vincentio Cable, a die 11 Maii 2015 ad 14 Iulii 2016. Quo die, prima ministra Theresa May, Sajid Javid secretarius a provinciis creatus est, antecessore Gregorio Clark qui eodem die secretarius a negotio promotus est.