Back درعيات Arabic Heráldica AST Геральдика AV Heraldika Azerbaijani Геральдика Bashkir Геральдыка Byelorussian Геральдыка BE-X-OLD Хералдика Bulgarian Ardamezouriezh Breton Heraldika BS

Scientia heraldica

Scientia heraldica[1] sive ars heraldica, sive aspilogia, est doctrina quae ad insignia vel insignia heraldica pertinet,[2] sive arma gentilicia, sive insignia gentilicia,[3] sive tesseras gentilicias[4] cognoscendas, describendas, et delineandas atque ad omnes regulas sive leges fetialium sive heraldorum cognoscendas.

Haec scientia fundamenta sua in temporibus mediaevalibus habet.

Tamen iam in antiquitate scuta militum insignibus ornabantur. Secundum Herodotum Carii saeculo octavo vel septimo ante aeram nostram primi insignia in scutis delineaverunt : "Cariis tribuuntur tres inventiones quae Graeci mutuaverunt : primi docuerunt cristas super cassidibus imponere et insignia in scutis" (Herodotus, Historiae, I, 171).

Insigne heraldicum sive tessera gentilicia prosapiae Polonicae a Thoma Steifer (sive Tomek Steifer), scientiae heraldicae perito, delineatum.

Scientia heraldica saeculo XII nata est in ordine equestri et postea se propagavit ad omnes classes societatis, nobiles, agricolas, cives urbium, cleros, atque in usu fuit apud societates et collegia.

Qui a temporibus mediaevalibus usque ad tempora nostra munus habebant et habent insignium heraldicorum servandorum, componendorum, publicandorum, et in tabellis publicis inscribendorum vocantur heraldi sive fetiales.

  1. ↑ Dictionnaire universel françois et latin, Lutetiae Parisiorum, 1743, p. 224 : "Ars ou Scientia heraldica. Le Blason. Blasonnement".
  2. ↑ De verbo "insigne heraldicum", legito inter alia multa exempla: Ludovicus Petrus Giovanni, Germania princeps, Ulmae, 1752, p. 466 (in nota) : "Sigilla propterea maiestatis verbo honestata fuisse, perhibet, quod inscriptum habuerint non heraldicum insigne, sed ipsam principis imaginem".
  3. ↑ Joseph Esmond Riddle, Thomas Kerchever Arnold, Charles Ernest Georges, A copious and critical English-Latin lexicon, 1865, p. 340 : "arms, *insigne gentilicium".
  4. ↑ Silvester Petra, Societatis Jesu, Tesserae gentilitiae, ex Fecialium Legibus descriptae, Romae, typis haeredum Francisci Corbellett, 1638.
From Wikipedia, the free encyclopedia · View on Wikipedia

Developed by Nelliwinne