Back Секст Варий Марцел Bulgarian Sext Vari Marcel Catalan Sextus Varius Marcellus German Σέξτος Βάριος Μάρκελλος Greek Sextus Varius Marcellus English Sexto Vario Marcelo Spanish Sextus Varius Marcellus French Sesto Vario Marcello Italian Sextus Varius Marcellus Dutch Sexto Vário Marcelo Portuguese
Sextus Varius Marcellus fuit procurator provinciae Britanniae, praeses Numidiae, maritus Iuliae Soaemiatis et pater imperatoris Elagabali.
Sextus Varius Marcellus natus est Apameae anno incognito. Ut maritus neptis imperatricis Iuliae Domnae Romae fortasse profectus est anno 193 vel paullo postea; ibi procurator rationis privatae trecenarius imperatoris Septimii Severi meruit, et mox procurator provinciae Britanniae. Numidiae praefuit annis circa 212-214; fortasse eo ipso anno, et sine dubio ante annum 218, mortuus est.
Utrum ille, sive alius quidam Sextus Apameae familiaris, inscriptionem bilinguem Vasione[1] deo Iovi Belo dicavit, non liquet.
- ↑ CIL 12.1277. Vide R. Turcan, Les religions romaines dans la vallée du Rhône (Lugduni Batavorum, 1952) pp. 115-117; Janine et Jean Charles Balty, "Apamée de Syrie, archéologie et histoire. I" in Aufstieg und Niedergang der Römischen Welt (ISBN 3-11-007337-4) pp. 105-134 ad paginam 129 liber apud books.google.fr .