Back Sigismund Wilhelm Koelle German Sigismund Koelle English Sigismund Koelle Spanish Sigismund Koelle French Sigismund Koelle Hausa Sigismund Koelle IG Sigismund Wilhelm Kölle Dutch Sigismund Wilhelm Kölle NB Sigismund Wilhelm Koelle Portuguese Кёлле, Сигизмунд Вильгельм Russian
Sigismundus Gulielmus (vulgo Sigismund Wilhelm) Kölle (Cleebronn in Badenia-Virtembergia 14 Iulii 1820; Londinii 18 Februarii 1902) fuit missionarius Germanicus et linguarum Africae peritus.
Anno 1845, quamquam in domo missionariorum Basiliae exercitatus, in Societatem Missionum Ecclesiae Londinii transcendit. Ab anno 1847 in Monte Leonino habitabat, ubi in Collegio Sinus Fourah docebat[1] et data linguistica recta observatione collegit, plerumque libertos percontans. Polyglotta Africana, eius magnum opus (1854), progressum linguisticae comparativae ad linguas Africanas pertinentis magnopere promovit. Ipsorum libertorum verba systemate phonetico a Carolo Ricardo Lepsio Aegyptologo excogitato in scripturam constanter redegit. Eius transcriptiones non semper verae erant; exempli gratia, Koelle IPA [s] cum [z] et [tʃ] cum [dʒ] pertinaciter confundit; eius data autem satis constantia erant ut greges linguarum vocabulariis propriis erigi possent.
- ↑ Fyfe, Christopher (1972). Africanus Horton, West African Scientist and Patriot. Oxoniae: Oxford University Press