Strategemata,[1] Graece Στρατηγήματα, est opus Graece a Polyaeno oratore, e provincia Macedonia oriundo, circa annum 162 scriptum et imperatoribus Marco Aurelio et Lucio Vero, eo tempore bellum contra Parthos gerentibus, dicatum. Hoc opere Polyaenus tactica in bello utilia ex operibus antiquioribus in octo libros congessit, quorum sex de historia militari Romanorum disserunt, unus de Graecis, unus etiam de barbaris necnon mulieribus. Opus Polyaeni res historiae civilis utiles interdum praebet, inter quas tabulam alimentorum ad cenam regum Persarum parandam contributorum.[2]