Sympheropolis[1] (Ucrainice Сімферополь, tr.Simferopol' , e Graeco Συμφερούπολις, i.e. 'urbs utilitatis'; Tartarice TauriceAqmescit, Акъмесджит, i.e. 'meschita alba'; Russice Симферополь) est urbs in parte media paeninsulae Crimaeae ad flumen Salgir. Secundum censum anni 2014, 332 milia incolarum habet, quorum 67,79% Russi, 12,07% Ucraini et 8,31% Tatari Crimenses sunt.
A mense Martio anni 2014 de facto ad Russiam pertinet, sed in hoc statu non agnita est ab Ucraina, adhoc Crimaeam sibi postulanti (in positione sua a multis civitatibus sustineta). Secundum divisionem foederalem Russiae, Sympheropolis est sedes administrativa Rei Publicae Crimaeae. De iure Ucrainica tamen metropolis Rei Publicae Autonomae Crimaeae est.