Vacuna

Caput in hoc denario Romano expressum insignia plurium dearum fert. Alata ut Victoria, galeata ut Minerva aut Bellona, pharetram et arcum ut Diana gerit, spicas ut Ceres: unde Vacuna esse vulgo creditur. Praeterea caput laureatum et calamistratum ut Apollo.

Vacuna fuit vetus dea Sabina, quae etiam a Romanis antiquis colebatur. Nota est per inscriptiones et paucos poetarum Horatii et Ovidii versus. Species eius incerta erat quoniam eruditi Romani eam nunc Bellonae, nunc Minervae, nunc Veneri alias Dianae aut Cereri aut in primis deae Victoriae adsimularunt.


From Wikipedia, the free encyclopedia · View on Wikipedia

Developed by Nelliwinne