Back واتچت AZB Уочет Bulgarian Watchet (lungsod) CEB Watchet Welsh Watchet English Watchet Spanish Watchet Basque واتچت Persian Watchet French Watchet Irish
WatchetLocus: 51°10′46″N 3°19′27″W
Numerus incolarum: 3 948
Situs interretialis
Gestio
Watchet est oppidum Somersetensis comitatus in Anglia occidentali situm, ubi nundinae tenebantur ab anno circiter 900, mercatus autem ab anno 1244.[1] Ibi nostro tempore homines fere 3 750 habitant.
Usque ad annum 1902 Watchet et Williton in paroecia Sancti Decumani comprehensa sunt; quo anno pagus urbanus Watchet a paroecia civili Williton divisa est. Paroecia antiqua nomen habuit e sancto Decumano olim ecclesiae in oppido Watchet sitae patrono. Watchet his diebus, sicut et Williton, est paroecia civilis.
Portus Watchet, ad manicam Bristoliensem positus, fuit burgus regni Occidentalium Saxonum.[2] Ter in Chronicis Anglosaxonum refertur, nominibus Weced et Wecedport. Anno fere 917 "piratae" Vicingi, ducibus Ohtor et Hroald, e Britannia Minore manicam Bristoliensem invaserunt; ab Herefordiensibus et Glocestriensibus repulsi ad Porlock et iuxta Watchet noctu furtim descenderunt, unde ab incolis debellati in insula vel Flat Holm vel Steep Holm refugium reppererunt: ibi alimentis carentibus multi mortui sunt.[3] Annis 987 seu 988, rursusque anno 997, a Vicingis oppidum combustum est.[4]
- ↑ Samantha Letters, "Gazetteer of Markets and Fairs in England and Wales to 1516[nexus deficit]"
- ↑ Hidae quorundam burgorum
- ↑ Chronica Anglosaxonum Ā anno 918 (be eastan Wæced; insula Bradan Relice), D anno 915 (be eastan Weced; insula Steapan Reolice) et similiter B et C
- ↑ Wecedport: Chronica Anglosaxonum E anno 987, C anno 988, E anno 997