Asia

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Asia es el kontinente mas espandido i povlado della Tierra. Kon serka de 44 milyones de km², supoza el 8.7% del total della superfisia terrestre i el 29.45% de las tierras emerjidas i, kon 4,140,000,000 de moradores, el 61% della povlasion mundiala. Se ekstende sovre la mitad oryental del emisfero norte, desde el oseano Artiko, al norte, dista el oseano Indiko, al sud. Limita, al oksidente, kon las montanyas Urales, i al este, kon el oseano Pasifiko.

En la division konvensional de kontinentes, de orijen evropeo, aparesen Asia i la Evropa komo dos entidades diferentes por razones kalturalas i istorikas. En terminos jeografikos, forman en realidad un regalado kontinente, yamado Evrasia ke keda enjunta mente kon otrunos kontinentes. Endemas, Afrika esta unida a Evrasia por el istmo de Suez por lo ke tambien se puede konsiderar toda la ekstension kondjunta de Evropa, Asia, i Afrika komo un regalado superkontinente, okazional mente denominado Evrafrasia, o Afro-evrasia.