Back Sarajevo ACE Sarajevo Afrikaans Sarajevo ALS ሳራዬቮ Amharic Sarajevo AN Saragefo ANG سراييفو Arabic صاراييڤو ARY ساراييفو ARZ Sarayevu AST
| ||||||||||||||||||||||||
Sarajevo (en djudeo-espanyol: Saray o Saraj) es la kapitala i sivdad más grande de Bosnia i Hersegovina, kon una povlasion de 305.242 abitantes en las katro munisipalidades ke konforman la sivdad, i un área metropolitana de 423.645 abitantes en el Kanton de Sarajevo. Es endemas la sivdad kapitala de la Federasion de Bosnia i Hersegovina, ansina komo el sentro del Kanton de Sarajevo. Istočno Sarajevo o Sarajevo Oryentala es la kapitala de jure de la Repuvlika Srpska.
Sarajevo se ankontra enel valey de Sarajevo en la rejión de Bosnia, rodeada de los Alpes Dinarikos i en torno al río Miljačka. El sentro de la sivdad se ankontra a 511 metros ensima del nivel de la mar mientres ke alkunas máales yegan a estar a 700 metros, lo kualo aze a Sarajevo una de las sivdades a más altesa en Evropa. Las montanyas ke estan alderredór de Sarajevo yegan i pasan de los 2.000 metros ensima del nivel de la mar.
La sivdad es konosida por su tradisionala diversidad relijioza, kon fiyeles musulmanos, ortodoksos, katólikos i djudios, los kualos yevan konviviendo desde munchos syéklos atras.[1] Es por esta lunga i rika istorya de diversidad relijioza y koegzistensya, Sarajevo es konosida komo la "Yerushalayim de Evropa".[2][3]
- ↑ Malcolm, Noel. Bosnia: A Short History. ISBN 0-8147-5561-5.
- ↑ Stilinović, Josip (3 January 2002). In Europe's Jerusalem Catholic World News. Retrieved on 5 August 2006.
- ↑ Un libro sobre el judeoespañol en Bosnia pretende salvar el ladino del olvido. Terra.com