Back أريان 4 Arabic Ариана 4 Bulgarian Ariane 4 Catalan Ariane 4 Czech Ariane 4 German Ariane 4 English Ariane 4 Spanish Ariane 4 Basque Ariane 4 Finnish Ariane 4 French
D'Ariane 4 ass eng europäesch Drorakéit aus der Ariane-Serie, déi am Optrag vun der ESA entwéckelt gouf. Mat 116 Starten, vun deenen 113 erfollegräich waren, ass si dat bis elo erfollegräichst Arianemodell mat enger Zouverléissegkeet vun 97,4 %. Hiren éischte Fluch hat si de 15. Juni 1988.
D'Ariane-4-Rakéite waren tëscht 55 m an 60 m héich a konnten eng Notzlaascht vu bis zu 4,9 t an eng Geostationär Transferbunn transportéieren. D'Startgewiicht war tëscht 243 t an 480 t. D'Ariane 4 hat meeschtens zwee iwwerenee leiend Satellitten an d'Ëmlafbunn transportéiert. Dës Eegenschaft hat der Ariane 4 zu gënschtere Startpräisser gehollef an zesumme mat hirer héijer Zouverléissegkeet, Arianespace zu enger staarker Dominanz am Satellittentransportgeschäft. Arianespace hat sou iwwer Joren e Weltmaartundeel vun zirka 60 % gehalen. De leschte Fluch (den 159.) war de 15. Februar 2003.
Eréischt nom leschte Start vun der Ariane 4 gouf gemierkt, datt si eng Capacitéitsniche fir de Start vu mëttelschwéiere Kommunikatiounssatellitten ofgedeckt huet, déi elo op war. Dofir start an hirer Plaz zanter Enn 2010 d'Sojus zu Kourou.