Drosbech

Drosbech

D'Drosbech op der Cloche d'or, a Richtung Norde gekuckt.
Längt	8,6 km
Hydrographesche Baseng	Rhäin
Originn
Originn	Zesummelaf vun 2 Grief
Plaz	Leideleng
Héicht	314 m
Koordinaten	49° 33’ 57.4’’ N       06° 03’ 48.7’’ O
Konfluenz
Leeft an	d'Uelzecht
Plaz	Hesper
Héicht	260 m
Koordinaten	49° 34’ 31.8’’ N       06° 09’ 13.10’’ O
Geographie
Land	Lëtzebuerg
Uertschaften	Leideleng, Gaasperech, Hesper

D'Drosbech ass eng Baach zu Lëtzebuerg an de Gemenge Leideleng, Lëtzebuerg an Hesper.

Si huet hir Quell am Weste vu Leideleng um Flouer Viischte Réidesch an Urbett^[1] op enger Héicht vun ongeféier 330 Meter. Vun do aus leeft se no Osten a Richtung Cloche d'or, wou laanscht hir Uwänner 2020-2023 de Gaasperecher Park ugeluecht gouf.

Dono dréint se no Norden a Richtung Gaasperech an Houwald. Soubal wéi se do ënner der Diddelenger Autobunn erduerch ass, leeft se an enger Kanalisatioun weider ënner der Eisebunn an engem Stéck vum Boulevard des Scillas erduerch, fir hanner dem Tennisfeld vum Houwald an der Griecht mam Numm Schleed erëm aus dem Buedem erauszekommen.

Da leeft se duerch déi Griecht bis op Hesper, fir do op enger Héicht vun 260 Meter vu lénks an d'Uelzecht ze lafen.

D'Drosbech ass ronn 8.600 m laang an ausser engem Gruef zu Zéisseng dee vun der Brommeschheck hierkënnt huet se keng nennenswäert Niewebaach.^[2]

A reegelméissegen Ofstänn gëtt se verknascht, esou am November 2017^[3], am Mäerz 2020^[4], am Juni 2021^[5]

1. ↑ Quell vun der Drosbech op www.geoportail.lu, der offizieller Plattform fir geographesch Donnéeën a Servicer vun der Administration du cadastre et de la topographie
2. ↑ Cf. S. 12-13 in: https://onsstad.vdl.lu/fileadmin/uploads/flippingbook/ons_stad_38-1991_0-34.pdf
3. ↑ Unbekannter verschüttet Farbstoff: Drosbach erstrahlt in Grün, wort.lu den 3. 11. 2017
4. ↑ Drosbech nees eng Kéier komplett "verdreckst", rtl.lu den 19. 3. 2020
5. ↑ Duerch Bauaarbechten ass Ofwaasser an d'Drosbech geroden, rtl.lu den 3. 6.2021