Hubert Curien

Hubert Curien
Gebuer	30. Oktober 1924 Cornimont
Gestuerwen	6. Februar 2005 Loury
Nationalitéit	Frankräich
Educatioun	École normale supérieure
Aktivitéit	Physiker
Fonctioun	Generaldirekter, President, President
Member vun	Académie des sciences, Academia Europaea

Den Hubert Curien, gebuer den 30. Oktober 1924 zu Cornimont, a gestuerwen de 6. Februar 2005 zu Loury bei Paräis, war e franséische Fuerschungsminister a Kristallograph.

Vun 1969 bis 1973 war hie Generaldirekter vum nationale Fuerschungszentrum CNRS.

vun 1976 bis 1984 war de Curien President vum Nationalen Zentrum fir Weltraumfuerschung (CNES) an hat d'Verantwortung fir déi franséisch Weltraumpolitik. Hie forcéiert d'Entwécklung vun der Ariane-Rakéit, wouduerch hien och als Papp vun der Ariane bezeechent gëtt.

Hie war Fuerschungsminister vun 1984 bis 1986 a vun 1988 bis 1993. Hie war ausserdeem och President vum Forum Engelberg, eng wichteg international Konferenzplattform fir d'Zesummenaarbecht vu Wirtschaft, Wëssenschaft a Politik.