Back مقراب جيمس كليرك ماكسويل Arabic James Clerk Maxwell Telescope German James Clerk Maxwell Telescope English Telescopio James Clerk Maxwell Spanish James Clerk Maxwell teleskopioa Basque تلسکوپ جیمز کلرک ماکسول Persian James Clerk Maxwell -teleskooppi Finnish James Clerk Maxwell Telescope French James Clerk Maxwell Telescope Italian ジェームズ・クラーク・マクスウェル望遠鏡 Japanese

James Clerk Maxwell Telescope

De JCMT Radioteleskop, an der Mëtt tëscht dem Caltech Submillimeter Observatory an dem Betribsgebai vum Submillimeter Array
Récksäit vum 15 Meter grousse Parabolreflekter, d'Stëtzverstriewunge sinn däitlech z'erkennen

D'James Clerk Maxwell Telescope (JCMT) ass e Radioteleskop fir Wellelängte am Submillimeterberäich mat enger Empfangsantenn vu 15 Meter am Mauna-Kea-Observatoire zu Hawaii. Et ass dat weltgréisst Radioteleskop, wat op dësem Wellelängtenberäich spezialiséiert ass.[1] Et gëtt fir Ënnersich vun eisem Sonnesystem, der interstellarer Matière, souwéi fir wäit Galaxië gebraucht.

Den JCMT ass duerch eng Kooperatioun tëscht Groussbritannien, Kanada an Holland entstanen. Et krut säin Numm zu Éiere vum James Clerk Maxwell. De Betrib gouf vum Joint Astronomy Centre gesteiert. An Zesummenaarbecht mam Caltech Submillimeter Observatory gouf fir d'alleréischt e Submillimeter-Interferometer geschaafen. Dat erfollegräicht Experiment huet de Grondstee fir d'Submillimeter Array an den Atacama Large Millimeter Array-Interferometer geluecht.

Am Mäerz 2015 gouf de Betrib vum East Asian Observatory iwwerholl an och gesteiert.

  1. ↑ W.S. Holland et al, SCUBA: a common-user submillimetre camera operating on the James Clerk Maxwell Telescope, Monthly Notices of the Royal Astronomical Society: Letters Volume 303 Issue 4, Pages 659 - 672, 2002
From Wikipedia, the free encyclopedia · View on Wikipedia

Developed by Nelliwinne