Back Langer Marsch 3 German Long March 3 English Larga Marcha 3 Spanish Longue Marche 3 French Longa Marcha 3 Galician צ'אנגג'נג 3 HE Long March 3 ID Lunga Marcia 3 Italian 長征3号 Japanese Długi Marsz 3 Polish
De Laange Marsch 3, kuerz LM-3 oder CZ-3 ass eng Famill vu mëttelschwéieren dräistufegen Drorakéite vun der Laange-Marsch-Rei vun der Volleksrepublik China, déi virun allem fir den Transport vu Satellitten op e geostationären Orbit agesat gëtt. Déi eenzel Versiounen ënnerscheede sech deelweis ganz vill.
DeN Éischte Start vun der CZ-3 war den 29. Januar 1984, woubäi et sech allerdéngs ëm e Feelstart gehandelt hat. Een neie Startversuch vum 8. Abrëll 1984 mam Satellit Dong Fang Hong 2 war erfollegräich.
Déi déizäiteg stäerkste Variant ass d'CZ-3B, déi speziell fir den Transport vu Kommunikatiounssatellitten an d'Geostationär Transferbunn ausgeluecht ass.
De 14. Februar 1996 war eng Rakéit vun dësem Typ mat Intelsat 708 u Bord kuerz nom Start vum Kosmodrom Xichang ausser Kontroll geroden a war op een Duerf an der Géigend gestierzt, woubäi no offiziellen Aussoen sechs Mënschen ëm d'Liewe koum waren. D'Feelerursaach war e Systemfeeler wéinst falschen Daten am Navigatiounssystem, deen d'Rakéit ufanks vun der Startplaz ofkippe gelooss an dann op d'Startplaz zeréckgefouert huet.[1]
- ↑ Eugen Reichl: Das Raketentypenbuch. Motorbuch-Verlag, Stuttgart 2007, ISBN 978-3-613-02788-6.