Marie-Claude Beaud

Marie-Claude Beaud
Gebuertsnumm	Marie Claude Anne Raymonde Beaud
Gebuer	22. Februar 1946 Besançon
Gestuerwen	29. Dezember 2024 Toulon
Nationalitéit	Frankräich
Aktivitéit	Kurator
Fonctioun	Direkter, Kurator

D'Marie-Claude Beaud, gebuer den 22. Februar 1946 zu Besançon, a gestuerwen den 29. Dezember 2024 zu Toulon^[1][2], war eng Ausstellungskommissärin an Direktesch vu Kulturinstitutiounen.

Vun 1963-1968 huet si Konschtgeschicht an Archeologie studéiert. Duerno huet si op der Universitéit vu Besançon enseignéiert a war vun 1976 bis 1978 Assistent-Ausstellungskommissärin vum Musée vu Grenoble. Duerno war si am Musée vun Toulon agestallt. Tëscht 1994 an 1996 war si Generaldirektesch vum American Center zu Paräis. Duerno, bis 2000, war si Genraldirektesch vun de Muséeë vun der Union centrale des Arts décoratifs (an Direktesch vum Musée de la publicité).

Vun 2000 bis Enn 2008 war si Direktesch vum Musée d'Art Moderne Grand-Duc Jean (Mudam)

Si krut eng Nominatioun fir am Abrëll 2009 Direktesch vum Nouveau musée national de Monaco ze ginn.

Hiert Markenzeeche war, keng Oftrennungen z'akzeptéieren. Si huet Renconteren, Vermëschungen a Konfrontatiounen tëscht Konschtstiler, -richtungen a medien ënnerstëtzt.

1. ↑ (lb)RIP: D'Marie-Claude Beaud ass dout. www.rtl.lu. Gekuckt de(n) 29.12.2024.
2. ↑ "L’ancienne directrice du Mudam, Marie-Claude Beaud, est décédée." lequotidien.lu, 30.12.2024.