Mohammed

Mohammed
Gebuer	20. Abrëll 571 jul. Mekka
Gestuerwen	8. Juni 632 jul. Medina
Aktivitéit	Händler, Prophéit, Priedeger, Politiker, Feldhär
Famill
Bestuet mat	Aischa

De Mohammed ibn Abdallah, mam ganzen Numm Abū l-Qāsim Muhammad ibn ʿAbd Allāh ibn ʿAbd al-Muttalib ibn Hāschim ibn ʿAbd Manāf al-Quraschī (أبو القاسم محمد بن عبد الله بن عبد المطلب بن هاشم بن عبد مناف القرشي); gebuer tëschent 570 a 573 n. Chr. zu Mekka a gestuerwen den 8. Juni 632 zu Medina, ass de Grënner vum Islam. Hie gëllt am Islam als de leschte Prophéit, dee vu Gott (Allah) geschéckt gouf an dee mam Koran d'Wuert vun Gott offebaart huet. Wann dem Mohammed säin Numm genannt gëtt, muss e fromme Moslem ëmmer d'Eulogie mat soen: Gott seen hien an schenk him Heel.

Et gëtt nëmme ganz wéineg zäitgenëssesch Quellen iwwer dem Mohammed säi Liewen. Souguer de Koran gouf eréischt eng 20 Joer no sengem Doud fixéiert. Déi historesch bekanntst Biographie ass vum Mohammed ibn Ishaq verfaasst ginn ("D'Liewe vum Prophéit"). De Mohammed hat alles an allem 13 Fraen, dovun e groussen Deel zur selwechter Zäit. Dem Koran no hat de Mohammed dräi Jongen a véier Duechteren.