Mons

Mons nl: Bergen pcd: Mont
Land	Belsch
Regioun	Wallounien
Communautéit	Franséisch Communautéit
Provënz	Provënz Hainaut
Arrondissement	Mons
Awunner	95.299 (1. Januar 2018)
Fläch	14.653
Koordinaten	50° 27’ 00’’ N       03° 57’ 00’’ O
Telefonszon	065
Postcode	7000
Websäit	https://www.mons.be/

Mons ass eng belsch Stad a Wallounien. Et ass de Chef-lieu vun der Provënz Hainaut a fréier Haaptstad vun der Grofschaft Hainaut. Et ass den Haaptuert vum Arrondissement Mons an de Sëtz vun enger vun de 5 Cour d'appellen an der Belsch. Zanter 1967 ass do de militäresche Kommandozentrum vun der NATO an Europa (SHAPE).

Mons ass och fir seng Ducasse oder Doudou bekannt, eng Pressessioun, bei där et zu der Opféierung vum Kampf géint en Draach kënnt, déi zanter 1349 all Joer organiséiert gëtt, an déi zanter 2005 op der Lëscht vum mëndlechen an immaterielle Weltkulturierwe vun der UNESCO steet.

Kuckeswäert Gebaier sinn de Beffroi, d'Stadhaus, d'Collégiale Sainte-Waudru a la Parfaite Union, déi éischt Fräimaurerloge an Europa.

2015 war Mons Europäesch Kulturhaaptstad (zesumme mat Plzeň).