Nicolas Martha

Nicolas Martha
Gebuer	7. November 1820
Gestuerwen	4. September 1898
Aktivitéit	Lycéesprofesser, Mathematiker

Den Nicolas Martha, gebuer de 7. November 1820 an der Stad Lëtzebuerg^[1] an do gestuerwen de 4. September 1898^[2], war vun 1847 u Mathematiksprofesser am Stater Kolléisch.

Hie war och un der Grënnung vun der Spuerkeess bedeelegt a gouf 1856 hiren éischten Direkter, eng Plaz déi e bis zu sengem Doud behalen huet.

Den Nicolas Martha war zesumme mam Dicks a Michel Lentz, 1849 ee vun de Matgrënner vum éischte Stater Turnveräin, der Gym, där hire President hie war.

Vun 1863 bis 1875 war hie Member vum Stater Gemengerot, déi 5 lescht Joer dovun als Schäffen.^[1]

Hien huet verschidden Aarbechten iwwer Mathematik geschriwwen an e Rapport iwwer Gemengenaffäre vun der Stad Lëtzebuerg (1874-75).

Den Nicolas Martha war e lëtzebuergesche Fräimaurer.^[3]

1. ↑ ^{1,0 1,1} (fr)Nécrologie. L'indépendance luxembourgeoise. eluxemburgensia.lu (5. September 1898). Gekuckt de(n) 11.04.2023.
2. ↑ (fr)Etat civil de la ville de Luxembourg - Décès. L'indépendance luxembourgeoise. eluxemburgensia.lu (10. September 1898). Gekuckt de(n) 11.04.2023.
3. ↑ Quelques francs-maçons luxembourgeois célèbres | Grande Loge de Luxembourg. www.grande-loge.lu. Gekuckt de(n) 11.04.2023.