Runas

La runas - ance clamada la futhark, de la ses leteras prima - ia es un alfabeta creada par la popla de Europa norde e norde-ueste ci ia parlada la linguas germanica. La esemplos prima es de la sentenio prima ec, e la usa continua a la sentenio 10 en alga locas en scandinavia. La forma la plu vea de la runas es la futhark vea, con 24 leteras ordina en tre lineas de oto. La leteras listada plu vea es sur la Roca de Kylver en Gotland, de sirca anio 400.

A su es la futharc vea.

• þ es pronunsiada como th en engles
• ï es pronunsiada como æ o ei (cat o Kate)
• z (a supra, la R) ia deveni r final en germanica norde
• ŋ es la sona final de ring en engles

Nomes en proto-germanica, e sua sinifias posible:

• f - fehu - boves
• u - uruz - uro
• þ - þursaz - jigante
• a - ansuz - un de la dios Æsir
• r - raido - viaja
• k - kaunan - ulsera
• g - gebo - donada
• w - wunjo - joia
• h - hagalaz - graniza
• n - naudiz - nesesa
• i - isaz - jela
• y - yera - anio
• ï - ïwaz - taxo
• p - perth - pero
• z - algiz - alce
• s - sowilo - sol
• t - tiwaz - la dio Tiwaz (Tyr)
• b - berkanan - betul
• e - ehwaz - cavalo
• m - mannaz - om
• l - laguz - lago
• ŋ - iŋwaz - la dio Ingwaz (Yngvi)
• d - dagaz - dia
• o - oþila - propria

Orijinas posible de leteras:

• f - tota italica
• u - italica norde
• þ - inventada?
• a - italica norde
• r - latina
• k - tota italica
• g - latina, etrusca
• w - inventada?
• h - latina, etrusca
• n - inventada?
• i - tota italica
• y - duplida latina c? latina g?
• ï - inventada?
• p - inventada?
• z - etrusca ps?
• s - tota italica
• t - latina, etrusca; raetic t'?
• b - latina, etrusca
• e - latina e turnada?
• m - latin m, alterada per difere lo de futhark e
• l - italica norde
• ŋ - inventada?
• d - duplida latina d?
• o - italica norde