- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Klummesj, es te dit dialek sjpriks.
't Breer (Nederlands: Barrier) ies 'n buurtsjap van Klumme in de gemeinte Voelender in Zuud- Limburg. De naam breer kump oet 't Frans en beteikent barrière.
't Gehuch ies gesitueerd aan beids kante van de Barrierweeg dae van Klumme aafkump. Vreuger waor d'r 'ne tol aan dees route van Mestreech nao Heerle. 't Traject van de via Belgica (de Romeinse weeg van Boulogne-sur-Mer nao Kölle) zou via 't Breer geloupe höbbe.
In 't Breer sjtoon 30 häöf en hoezer.