A3 (Belsj)

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

D'r A3 is 'n Belsje autobaan die de hoofsjtad Brussel mit Luuk en d'r A44 bei g'n Dütsje sjtad Oake verbingk. Bei 't Oakese sjtadsdeel Lichtenbusch geet 'r de grens uëver. De autobaan is ungerdeel va d'r E40. D'r 136 kilometer langen A3 vurmt e wichtige oeës-wessjakel op 't Belsj en is 'n autobaan die ungerdeel vurmt van 't radiaal weëgnetwerk rongelum Brussel. De autobaan begint in 't oeëste va Brussel en lup wieër via Leuve richtóng Luuk, oeë zie bei 't Knouppunt Loncin mit d'r A15 krüts. 't Twieëde sjtök heësj de "Autoroute Roi Baudouin" en betref 't sjtök t'n oeëste va g'n sjtad Luuk, dat durch 't Lank va Herf lup. De letste kilometesj ligke i g'n Platdütsje Sjtrieëk en i g'n Dütsjsjproakige Gemingsjap. De verkieërsdoele weëde vanaaf Wellekete op 't Dütsj wiergegeëve.

Tusje Herf en Walhorn ligk parallel neëve d'r weëg 't gleis va g'ne HSL 3, dat Luuk mit Oake verbingk.