Eerd

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Eerd(e) (symbool: ) is de derde planeet vaanaof de zon in eus zonnestèlsel en de woenplaots vaan de minsheid. Vaan alle klein planete is de Eerd de groetste: d'n diameter is 12.756,28 km op d'n equator en 12.713,56 km bij de pole. De gemiddelden aofstand tot de Zon is 149.597.887 km; einen umloup doort oongeveer ei jaor (eder jaor weurt dezen tied get langer). De Eerd heet eine satelliet: de maon. De Eerd is de einege planeet boevaan vassteit tot leve drop veurkump.