- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjlennichs, es te dit dialek sjpriks.
Heieret (Nederlands Heijenrath) ies 'n buurtsjap van Sjlenake in de gemeinte Gulpe-Wittem in Zuud Limburg. Ouwer name zint de Hedenrot en Heyenrot. De naam ies 'n samesjtèlling van hei en roth (rath). Rot of raat in de naam beteikent gerooide plaats. De beboewing liek rónd de Heyenratherwaeg mèt ca 50 hoezer woa-in 125 luuj wone. In 't gehuch bevinge zich väöl vakantie-accommodaties (campings, vakantieweuninge, hotels).