Back Estáu con reconocencia parcial AST Непризнати държави Bulgarian Estats amb reconeixement limitat Catalan Ikke-anerkendt stat Danish Ψευδοκράτος Greek State with limited recognition English Neagnoskita ŝtato Esperanto Estado con reconocimiento limitado Spanish Onartu gabeko estatuak Basque Estado non recoñecido Galician
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Oliefkleur: VN-lidstaote die door minstens ein aander VN-lid neet weure erkind.
Oranje: Neet-VN-lidstaote die door minstens ei VN-lid wel weure erkind.
Raos: Neet-VN-lidstaote die allein door aander neet VN-lede weure erkind.
Roed: Staote die door geinen inkelen aandere staot weure erkind.
'ne Neet-erkinde staot is 'ne staot oetgerope door 'n regering die de soevereiniteit euver e bepaold gebeed opeis meh in dee claim neet weurt gesteund door de regeringe vaan aander len. Me sprik in 't bezunder vaan neet-erkinde staote wienie de regering de facto wel de mach heet euver häör land, of e groet deil daovaan.
Erkinning vaan staote is e kernbegrip in 't internationaol rech. Euver 't algemein erkinne len oonderein hun territoriaol integriteit, aofgezeen vaan sommege grensdispute. Intösse zien ouch alle erkinde len aongeslote bij de Vereinegde Naties; me kin zègke lidmaotsjap vaan de VN gelt es maotstaaf of e land al of neet algemein erkind is. (Oetzundering is Vaticaanstad, wat allein woernummersstatus heet.) Wienie e landsdeil ziech, miestal mèt geweld, aofsjeit, zal de internationaol gemeinsjap dat neet erkinne. Geit e land wel tot erkinning euver, daan is dat dèks um ideologische of geopolitieke rejes.
Sommege len oonderhawwe informeel diplomatieke ban mèt len die ze neet officieel erkinne. Zoe höbbe väöl len 'n missie op Taiwan, meh gein ambassade, umtot me daoveur de Rippubliek China moot erkinne en de Volksrippubliek China es illegitiem moot aofdoen.