Pony

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Dit artikel geit euver de peerdssoort; veur de meneer um de haor te drage zuug Ponnie (haor).

'ne Pony (oetspraok [po:ni] of [pɔni], de ierste liekent 't bèste op de Ingelse oetspraok) is e klei peerd wat huurt bij n'importe welk peerdsras wat veur pony doorgeit. Euver 't algemein weure peerd tot 1 meter 47 zoe geneump, meh 't gief väöl oetzunderinge. Boete de lengde is ouch de bouw vaan 't ras vaan belaank. Peerd die neet binne de definitie vaan pony valle, weure gewoen peerd geneump; dit kin tot vreem oetspraoke leie wie 'dit is geine pony, meh e peerd'. Toch kump zjus de pony, neet 't groet peerd, korter bij 't typ vaan 't wèld oerpeerd: heer is sterk en kin good tege kaw. Pony's weure of woorte in versjèllende deile vaan de wereld ingezat en las- en trèkpeerd, meh allewijl veural es rijpeerd veur kinder wie ouch (haafverwèlderd) veur natuurbehier.