Pussycat

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Broensems, es te dit dialek sjpriks.

Pussycat waas ein popgroep oet 't Limburgse Brunssem.

De kèrn van de groep woort gevörmp door 3 zèngende zösters, Tony Willé-Veldpaus, Marianne en Betty Veldpaus. Tony deeg biej alle nummersj de lead-zank en Marianne en Betty de backing-vocals. De groep trooj aanvankelik in de begin jaore 1970 op es Sweet Reaction. Zie woort óntdèk door hunne gitaarleëraar Werner Theunissen dae ouch de meiste hits veur de groep sjreef. Pussycat scoorde in 1975 eine waereldhit mèt 't nummer Mississippi. Zoagaar in de British Charts kaome ze op de eësjte plaatsj (augustus 1976) en mèt 't nummer Smile op de 24e plaatsj (december 1976). Anger bekènde hits zint Georgie en My broken Souvenirs.

Nao 't succes van Mississippi woorte de hits kleiner en in 1985 woort de groep opgeheve. Toni maakde waal nog ein soloalbum genaamp "Privilege" en tweë albums mèt de band The Run, mèr dit woorte allemaol mèr ein matig succes.