- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Tebannets, es te dit dialek sjpriks.
Terhoorsj (Nederlands: Terhorst) ies 'n buurtsjap van Tebannet in de gemeinte Èèsjde-Mergraote op 't plateau in Zuud-Limburg. Terhoorsj beteikent hoorsj (gebösjke) liegkend op 'n huègde. De 35 häöf en hoezer liegke langs en rónd de doadloupende weeg Terhorst.
Same mèt Tebannet huèrde 't tot 1982 tot de gemeinte Maer (Mheer). In 1875 hove de inweunersj neet miè nao Maer nao de kèrk, meh kènne dan nao de nuuj (rectoraats)kèrk in Tebannet. In 1937 weurt dat de parochiekèrk.
