Back Wes-Fries Afrikaans Frisón occidental AN اللغة الفريزية الغربية Arabic Qərbi friz dili Azerbaijani Заходнефрызская мова Byelorussian Заходнефрыская мова BE-X-OLD Западнофризийски език Bulgarian Frizeg ar c'hornôg Breton Frisó occidental Catalan Frisone occidentale Corsican
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Westerlauwers Fries | ||
|---|---|---|
| Inheimse name: | Frysk | |
| Gekald in: | Friesland (gooddeils) | |
| Classificatie: | Indo-Europees Germaans Wesgermaans Fries Westerlauwers Fries | |
| Aantal sjpraekers: | 350.000 | |
| Cónservatiegraod: | bedreig | |
| Officieel taal: | provincie Friesland | |
| ISO-639-code: | fy, fry, fri | |
't Westerlauwers Fries is de westeleke gróp dialekte vaan 't Fries, dat wèlt zegke 't Fries wie dat allewijl in Nederland gesproke weurt. Aander soorte zien 't Oosfries en 't Noordfries. Boete Nederland weurt dees taol miestal "Wesfries" geneump, meh umtot me daomèt in Nederland nao de dialekte oet de kop vaan Noord-Holland verwijs, geit me hei deze naom oet de weeg. Es me in Nederland euver Fries sprik, bedoelt me miestal allein 't Westerlauwers Fries.
De taol weurt nog door zoe'n 350.000 lui es mojertaol gesproke in de provincie Friesland, die sinds de jaore negeteg officieel - Friestaoleg - Fryslân hèt, en is de twiede officieel taol vaan Nederland, boe 't sins 1995 toegestaon is de Friese taol in lokale en provinciale vergaderinge te gebroeke. Sins 1996 is 't Fries geratificeerd in 't Europees Haandvest vör regionaal tale en tale van minderhede. In 2001 woort e convenant geteikend.[1]